GEBAKTE VIS MET SPEKVLEIS EN TAMATIE

Resep geplaas en foto: Gideon Louw
Uit The Real Meal Revolution van Tim Noakes

• 100 g botter
• 220 g spek
• 200 g kersietamaties gehalveer
• skil en sap van een suurlemoen
• 1 koppie witwyn
• 1 koppie room
• 1 kg vars visfilette
• sout en peper
• 1 groot handvol basiliekruid blare in stukke geskeur.
• Voorverhit oond 140 ºC. Smeer oondpan.
• Verhit botter in groot pan en braai die spek tot net bros.
• Voeg die kersietamaties en suurlemoenskil by.
• Verhoog die hitte en roerbraai tot tamaties effens verkleur.
• Voeg suurlemoensap en wyn by en kook af tot sous met helfte verminder het.
• Voeg room by en verhit tot dit effens afgekook het.
• Geur vis met sout en peper en plaas dit in oondpan.
• Giet roommengsel eweredig oor.
• Plaas in oond en bak 20 tot 30 min of tot vis net gaar is en maklik vlok.
• Sprinkel basiliekruid blare oor en sit voor.