Your Recipe Blog

GEBAKTE JELLIEPOEDING

Avatar photo
Recipe by
Cook: 30 min. | Servings: 4 -6 porsies

GEBAKTE JELLIEPOEDING

Dié resep van Ronel Blanche is meer as 45 jaar oud en een van die gunstelinge wat haar ma – winter of somer – vir Sondagmiddagete gemaak het.
Wayne Dugmore – Wat ‘n lekker poeding! Definitief iets om te maak as jy nie weet waarvoor jy lys is nie!!!

  • Vir die sous:
  • ¼ koppie suiker
  • 1 pakkie jelliepoeier van jou keuse
  • 2 eetlepels botter
  • 1 ½ koppie kookwater
  • Vir die beslag:
  • 1 eetlepel botter
  • 2 eiers, geklits
  • 2 eetlepels appelkooskonfyt
  • 1 teelepel koeksoda
  • 1 eetlepel melk
  • 2 eetlepels suiker
  • 5 eetlepels koekmeel

Voorverhit die oond tot 180 °C.
Maak eers die sous deur al die bestanddele te meng totdat die jellie opgelos het.
Gooi dit in ’n oondbak (20 cm x  20cm).
Meng al die bestanddele vir die beslag goed saam. Skep dit bo-op die sous, maar moenie dit roer nie.
Bak dit vir ongeveer 30 minute totdat die deeg bruin bo-op en gaar is en ’n sous onderin die bak gevorm het.

Nota:
Indien jou sous nog te dun is na die baktyd, maak die poeding toe met foelie en bak hom ‘n verdere 10 min

Wenk:
Skep die poeding soos koekstruif in glase, met lagies klaargemaakte vla tussen-in.
Laat dit in die yskas afkoel, en sit dan voor.
Gebruik die kleur jellie wat by jou tema pas vir mooi kleur in die glase.

Resep deur Ronel Blanche
Foto: Rina Kleinhans en Annelie Kruger

Leave a Review

Your email address will not be published. Required fields are marked *

*

1 2 3 4 5