GEBAKTE DADEL- EN TOFFIEPOEDING
Resep en foto: Lorraine Weitz Brand
My aangepaste resep, die oorspronklike resep was te soet na ons smaak.
- Beslag:
- 1 koppie suiker
- 1 koppie koekmeel
- ¾ koppie gouestroop
- 4 eiers, geklits
- 200 g fyngekapte dadels
- 200 ml kookwater
- ½ koppie botter by kamertemperatuur
- ½ koppie louwarm melk
- 1 teelepel koeksoda
- Sous:
- 1 koppie botter
- 1 koppie room
- 400 ml bruinsuiker
- Giet die kookwater oor die dadels en laat staan vir 10 min. Dreineer.
- Meng die suiker en meel. Smelt die botter in die warm melk en roer die koeksoda by.
- Voeg die melkmengsel saam met die stroop en dadels by die meelmengsel en meng goed.
- Laastens klits die eiers en voeg by beslag.
- Giet die mengsel in ‘n gesmeerde oondvaste bak en bak op 180° C vir 25 – 30 minute tot goudbruin en gaar.
- Sous:
- Verhit die bestanddele oor baie lae hitte tot alles gesmelt is en prut vir 3 min.
- Giet helfte van die sous oor die poeding sodra dit uit die oond kom.
- Bedien die poeding warm saam met die res van die sous en room, roomys of vla.
Category:
