FRIKKIE SE TUISGEMAAKTE MAYONNAISE

3 ekstra groot eiergele
1 koppie olie
1 hoogvol teelepels Dijon mosterd
1 teelepel knoffel of na smaak
stewige knippie sout en wit peper
2 tot 3 druppels Tabasco
1 teelepel suiker
30 ml suurlemoensap

Plaas die eiergele in die versapper en skakel die versapper aan.
Giet die olie (ek gebruik 50% druiwepit en 50% sonneblomolie) in ‘n baie dun baie stadige straaltjie in terwyl versapper op sy vinnigste loop.
Voeg die res van die bestanddele by nadat al die olie ingemeng is en meng baie goed.
Voeg nog 30 ml suurlemoensap by indien dit te dik raak.
Skep in ‘n houer wat dig seël en plaas in die yskas.
Hierdie mayonnaise het ‘n 3 dag rakleeftyd in yskas.

Resep en foto: Frikkie Jones