FRIKKIE SE KARRINGMELKBESKUIT 

Resep en fotos: Frikkie Jones
“Die lekkerste karringmelkbeskuit met ‘n twist gebak vandag. Dit lewer so 144 stukke beskuit.”

• 800 g botter of bakkunsbotter (margarien)
• 625 ml suiker (2¼ koppies)
• 1,6 liter karringmelk/Griekse jogurt
• 7 eiers, goed geklits
• 3 kg bruismeel
• 1 koppie koekmeel
• 2 eetlepels sout
• 4 teelepels bakpoeier
• 1 koppie all bran
• 1 koppie  gebreekte hawermout (“rolled oats”)
• 1 koppie gekapte neute
• 1 koppie pitlose rosyne/koekmengsel
• Smelt botter oor lae hitte. Voeg suiker by en laat smelt. Voeg glad geklitste karringmelk/jogurt by en hou lou tot benodig. Meng al die droë bestanddele en maak ‘n dammetjie.
• Roer geklitste eiers by karringmelkmengsel in en voeg dit by droë mengsel.
• Meng tot deurgemeng en knie liggies. Maak drie panne op: ongeveer 2,1 kg deeg per pan. Ek maak nie balletjies nie. Ek maak ‘n brood en sny dan in vingers.
• Bak vir 70 minute by 160 °C in ‘n voorafverhitte oond tot gaar.
• Keer uit op draadrak/bakdoek om af te koel en sny, wanneer koud, in vingers; 2½ cm snye en deel elke sny in vier vingers.
• Pak in oond op rakke en droog uit vir so 5½ ure by 80 °C – met ‘n houtlepel in oonddeur sodat vog kan verdamp.