FRIKKIE SE HEERLIKE SUURLEMOENPOEDING

Resep en foto: Frikkie Jones
Gebruik altyd ‘n glasbak, dan rys die poeding perfek.

• Meng saam met ‘n “whisk” en hou eenkant:
• 1 koppie koekmeel
• ½ koppe suiker
• 1 teelepel bakpoeier
• Meng die volgende saam:
• 1 teelepel koeksoda
• 1 eetlepel asyn
• Res van bestanddele:
• 1 opgehoopte eetlepel appelkooskonfyt
• 1 koppie melk of Amazi
• 1 geklitste eier
• Meng goed tot dit opbruis en voeg dan die appelkooskonfyt by en meng goed.
• Voeg die melk of Amazi by en dan die geklitsde eier.
• Meng nat bestanddele met die droë bestanddele tot net gemeng.
• Dis n slapperige deeg.
• Giet in gesmeerde glasbak (ongeveer 20 x 25 cm) en bak @ 180⁰C vir 40 min.
• Draai die bak halftyd sodat die agterkant voor is.
• Giet die kokende stroop oor die gaar poeding.
• Stroop:
• 1 koppie water
• ½ koppie suurlemoensap
• 1 koppie suiker
• 100 g botter
• 1 teelepel vanilla geursel
• 1 teelepel sout
• 2 suurlemoene se gerasperde skil.
• Kook die bestanddele saam en giet deur ‘n sif oor die warm poeding.
• Skep swiss meringue oor en brand met ‘n blaasvlam.
• Swiss Meringue:
• 4 eierwitte
• 1 koppie suiker of ligte bruinsuiker
• Sit eierwitte en suiker oor n pruttende pot water en klits heeltyd met ‘n “whisk” tot 65ºC.
• Klits styf met die Kenwood en skep “dollops” van die mengsel oor die poeding.
• Brand met n blaasvlam of onder die “grill” van die oond.
• Geniet saam met vla.