FRANCES SE WATERBLOMMETJIEBREDIE

1.5 kg lam, verskeie snitte
1 kg waterblommetjies, skoongemaak
15 ml witasyn
125 ml witwyn
25 ml suurlemoensap
2.5 ml gemmer
2.5 ml neutmuskaat
5 ml Aromat
5 – 6 naeltjies
7.5 ml koljander
10 ml braai speserye
4 knoffeltone, fyn gedruk
250 ml hoender of bees “stock”
3 uie, gesny
250 g groenboontjies
4 aartappels, kwarte gesny
sout en peper na smaak

Braai vleis in bietjie olie tot bruin en skep uit. In dieselfde pot, braai die uie en knoffel tot sag.
Plaas die vleis terug in pot saam met al die ander bestanddele (behalwe Waterblommetjies), en ongeveer 2 koppies water.
Kook oor laag/med hitte tot aartappels en groenboontjies sag is.
Sit die waterblommetjies bo-op vleis en kook nog so 40 minute.
Pasop om waterblommetjies nie tot pappery te kook nie. Voeg nog sout / aromat by indien nodig.
Geniet met rys.

Resep en foto: Frances Smith