EKONOMIESE KARRINGMELKBESKUIT

Resep en foto:  Alice Meintjes
Nota en 2de foto: Wilma Scott

• 900 ml melk
• 100 ml bruinasyn
• 2 kg bruismeel
• 2 koppies koekmeel
• 3 koppies suiker
• 3 teelepels bakpoeier
• 2 teelepels sout
• 4 eiers
• 500 g margarien
• Opsioneel:
• 4 eetlepels anys
• 1 koppie vrugtekoekmengsel
• 1 koppie rosyne
• Smelt 500 g margarien, laat effens afkoel.
• Voeg die melk en asyn by die margarien.
• Klits 4 eiers en voeg by die bottermengsel.
• Meng die meel, suiker, bakpoeier en sout in ‘n mengbak.
• Voeg die bottermengsel by die meelmengsel en meng goed.
• Knie tot sagte deeg.
• Druk vas in twee panne (60 beskuite elk) en sny met snyer.
• Bak teen 160°C vir 30 min en dan verdere 30 min teen 140°C.
• Laat afkoel en droog vir 3 ure by 80°C. Pak die gesnyde beskuite oop op die oondpanne vir die droog proses.
• Ruil panne gereeld. Skakel die oond af na die tyd en laat bly in die oond tot afgekoel.
• Variasie: Voeg enige van die opsionele bestanddele by die deeg vir ‘n variasie.