EIER- VIENNA- EN KAAS PANGEREG

Vir middagete het ek die eier- vienna en kaas reseppie gemaak. Ryk en lekker.

Meng saam:
5 geklitste eiers
½ teelepel sout
½ teelepel swart peper
¼ koppie gekapte grasuie
Ekstra:
1 pakkie rooi viennas, in ringetjies gesny
1 koppie gerasperde kaas

Smeer ‘n groot eierpan met botter en pak die gesnyde rooi viennas daarop uit dat die hele bodem bedek is.
Giet die eiermengsel stadig en versigtig oor die worsies.
Bak dit op die stoof teen matige hitte vir omtrent 10 tot 15 minute, kyk dat die rante los is.
Sodra dit styferig en redelik gestol is bo-op, hou ‘n bord oor die pan en keer dit om dat die gereg op die bord is.
Laat gly dit weer terug in die pan.
Sprinkel die gerasperde kaas oor.
Plaas ‘n bord/deksel bo-op die pan en bak vir nog ongeveer 10 min tot die kaas gesmelt is.

Nota:
Ons het dit saam met ‘n bietjie tamatiesous geëet.
Dit sal ook lekker wees saam met Tobacco.

Resep en foto: Gideon Louw