Your Recipe Blog

DULCHE-DE-LECHE GEVRIESDE KAASKOEK

DULCHE-DE-LECHE GEVRIESDE KAASKOEK

Ek het vandag hierdie dulche-de-leche gevriesde kaaskoek gemaak en ons kliente gee dit loshande ‘n 5 ster

  • Vulsel:
  • 125 ml pynappelsap
  • 10 ml gelatin poeier
  • 1 bakkie roomkaas (250 g)
  • 1 blik karamel treat
  • 250 ml room
  • geroosterde klapper skaafsels vir versiersel
  • tropiese vrugte in seisoen vir bediening
  • Kors:
  • ¾ pakkie Tenniskoekies
  • 60 ml geroosterde klapper
  • 80 ml gesmelte botter

Kors:
Maak koekies fyn en meng met botter en klapper. Spuit losboom pan met nie-kleefwerende spuitmiddel.  Druk koekiemengsel vas onder in die losboom pan om as kors te dien.

Vulsel:
Gooi helfte pynappelsap in mikrogolfvaste bakkie.
Voeg gelatien by en laat bietjie week. Verhit dan vinnig in mikrogolf tot gesmelt en voeg daarna die ander pynappelsap by.
Klits roomkaas en karamel saam tot glad en romerig en roer pynappelsap geleidelik by.
Voeg vanilla by room en klits tot styf.
Vou in by karamel mengsel.
Skep in kors en bedek met kleefplastiek en vries.
Sprinkel geroosterde klapperskaafsels bo-oor en bedien met tropiese vrugte.

Foto en resep: Marida Olivier

Leave a Review

Your email address will not be published. Required fields are marked *

*

1 2 3 4 5