DUBBEL SJOKOLADE MUFFINS

Heerlik klam muffins, ek kan hulle aanbeveel.

Meng droë bestanddele saam:
1 ⅓ koppie koekmeel
2 teelepels bakpoeier
½ teelepel koeksoda
2 eetlepels kakao
¾ koppie strooisuiker
Meng die nat bestanddele saam:
1 koppie melk
⅓ koppie plus 2 teelepels olie
1 eier
1 teelepel vanilla
Ekstra:
¾ koppie choc chips plus ¼ koppie om oor te strooi

Voorverhit die oond tot 200 ºC.
Meng droë- en nat bestanddele, voeg die ¾ koppie choc chip by en meng net deur moenie nie te veel roer nie.
Skep in papier houertjies in ‘n muffin pan en strooi die ekstra choc chip bo-op.
Bak ± 20 minute of tot toetspen skoon uitkom.

Foto: Elba Groenewald‎
Resep geplaas deur Elba Groenewald‎