DEKADENTE KAASKOEK

Kors:
125 g margarien
2 pakkies Tennisbeskuitjies fyngemaak
Vulsel:
3 x 250 g gladde maaskaas
2 blikkies (397 g) kondensmelk
125 ml suurlemoensap
250 ml strooisuiker
10 ml vlapoeier
250 ml room, verkoel en styf geklits
90 ml kakao

Voorverhit die oond tot 180ºC. Bespuit ‘n losboom koekpan met kleefwerende kossproei.
Smelt die margarien en roer die krummels by. Meng deur en druk vas op die bodem en teen die kante van die voorbereide pan.
Verkoel tot benodig.

Meng al die bestanddele vir die vulsel buiten die room en kakao.
Vou die room in en giet die helfte van die mengsel in die tertkors.
Sif die kakao by die res van die maaskaasmengsel en meng egalig deur.
Giet die mengsel versigtig bo-oor die ander mengsel. Bak 30 min lank.
Laat heeltemal afkoel voordat koek uit pan gehaal word.

Nota:
Laat die kaaskoek in die oond afkoel, sit die oond af en maak die deur effens oop, as die koek te vinnig afkoel, bars dit bo-op.

Resep en foto: Amanda Austen