DAUPHINE AARTAPPELS

“Njamm.”

1 – 2 knoffelhuisies, gekap
1 koppie room
1 koppie melk
4 groot aartappels of hoeveelheid na smaak, gewas en in dun skywe (2 – 3 mm) gesny
1 koppie gerasperde kaas
1 handvol grasuie, gekap
sout/Aromat en grofgemaalde swartpeper, na smaak

Kook die aartappels in die melk, room en knoffelmengsel totdat dit net gaar is, sowat vyf minute.
Vewyder die aartappels en plaas dit in ‘n gesmeerde bakskottel.
Geur die sous met Aromat en swartpeper.
Giet die sous oor die aartappels.
Strooi die kaas en grasuie oor.
Bak by 180 °C vir 30 minute of totdat die dis mooi goudbruin is.

Resep en foto: Stef Conradie