DANIE SE BOBOTIE

2 medium uie, fyn gesnipper
25 ml botter (ek vat sommer bietjie olie)
3 dik snye witbrood
250 ml melk
25 ml kerriepoeier
40 ml appelkooskonfyt
12.5 ml borrie
25 ml blatjang
200 ml asyn
25 ml suiker
5 ml fyn gemmer, opsioneel
sout, peper en Worcestersous, na smaak
1 kg maalvleis
2 eiers
250 ml melk

Braai uie ligbruin in bietjie olie/botter.
Week snye brood in die melk, druk melk uit en voeg brood by uie.
Meng die res van die bestanddele (behalwe vleis, eiers en melk) by die uiemengsel en stowe stadig vir so 10 min.
Skep die kerriemengsel uit en hou eenkant.
Braai die maalvleis in dieselfde kastrol en voeg sout, peper en Worcestersous by na smaak.
Voeg die kerriemengsel by die vleis en laat kook stadig tot vleis gaar is. Roer af en toe.
Skep maalvleismengsel in oondbak.
Klits die eiers en melk en gooi egalig bo-oor.
Bak by 180ºC tot gestol, ongeveer 30 tot 40 min.

Resep: Danie Brits
Foto: Annie Williams