• Deeg:
• 3 ml koeksoda
• 125 ml dadels, fyn gekap
• 30 ml margarien
• 10 ml gerasperde suurlemoenskil
• 500 ml kokende rooibostee
• 1 ekstra groot eier, geklits
• 250 ml sagte bruinsuiker
• 310 ml bruismeel
• 3 ml gemengde speserye
• Sous:
• 125 ml room
• 115 g botter
• 160 g ligte bruinsuiker
• 1 knippie sout
• 10 ml vanilla ekstrak

Poeding:
Voorverhit die oond tot op 180°C. Bespuit ‘n oondvaste bak met kleefwerende kossproei.
Sprinkel die koeksoda oor die gekapte dadels.
Voeg ook die botter en suurlemoenskil by en giet 250 ml van die kokende rooibostee oor. Laat staan 5 min lank.
Meng die geklitste eier en die helfte van die bruinsuiker by.
Sif die bruismeel en gemengde speserye saam. Meng dit by die dadelmengsel in.
Giet die res van die 250 ml rooibostee in die voorbereide bak.
Skep die beslag in die bak en sprinkel die res van die 125 ml bruinsuiker oor.
Bak 45 – 50 min lank of tot gaar.
Bedien saam met vla of klewerige toffie sous.

Sous:
Plaas die room, botter, bruinsuiker, en sout in ‘n kastrol.
Kook oor lae hitte terwyl jy roer totdat die suiker oplos en die sous glad en effens verdik is (ongeveer 7 – 10 min lank).
Verwyder van hitte en roer vanilla by, roer deur.
Bedien saam met die poeding.

Resep en foto:  Amanda Austen