CORNE SE PAELLA

Resep en foto:  Corne Liebenberg

• 3 koppies gaar rys
• 2 swart tier garnale (tiger prawns)
• 200 g garnale
• 200 g mossels
• 200 g gemengde seekos
• 200 g wit vis
• 3 uie
• 8 toontjies knoffel
• 1 bossie vars gekapte pietersielie
• baba tamaties
• skyfies lemmetjie / suurlemoen
• sout en peper, na smaak
• 1 eetlepel Cajun spice
• Braai die ui en knoffel tot dit net begin verkleur in olie en botter.
• Voeg die wit vis by en smoor tot die vis amper gaar is.
• Voeg die 2 black tiger prawns by en maak gaar. Dis so mooi om te sien hoe die lelike grys in mooi pienk verander in die pan.
• Voeg nou die seekosmengsel, garnale en mossels by en braai deur.
• Meng die rys deur die vismengsel.
• Voeg die smaakmiddels by.
• Roer die babatamaties laaste deur die mengsel.
• Dien op met lemmetjieskyfies.
• Eet die paella met bulgaarse jogurt by.