CHOUX DEEGBALLETJIES IN LEMOENSTROOP
- 375 ml water
- 180 g Stork Bake margarien
- knippie sout
- 375 ml koekmeel
- 6 groot eiers
- olie vir diepbraai
- Stroop:
- 3 koppies water
- 3 koppies witsuiker
- 1 kaneelstokkie
- lemoenskil
Kook die water met die margarien in ‘n potjie op die stoofplaat totdat die margarien gesmelt is.
Voeg die knippie sout en die koekmeel gelyk by die water en margarien en roer dit goed deur, hou die potjie op die warm stoofplaat en roer aanhoudend. Die deeg sal van die kante van die potjie begin wegtrek sodra dit reg is. Verwyder die potjie met die deeg van die stoofplaat en skep die deeg uit in ‘n bak om af te afkoel.
Voeg die eiers een vir een by die afgekoelde deeg en klits goed, dit is ‘n sagte romerige deeg.
Verhit intussen die olie in ‘n aparte pot op die stoofplaat.
Sodra die olie warm is, skep halwe teelepels van die beslag in die olie en braai tot goudbruin.
Voeg intussen die bestanddele vir die stroop in ‘n potjie. Roer en verhit stadig todat die suiker opgelos is, bring tot kookpunt en kook verder tot ‘n stroop.
Dompel die gebraaide choux balletjies direk vanuit die olie in die warm stroop en skep dit dan dadelik uit in ‘n ander bak.
Resep en foto: Sharmane Engelbrecht
