CHOC CHIP MUFFINS

250 ml koekmeel
5 ml bakpoeier
2.5 ml koeksoda
30 ml kakaopoeier
80 ml bruinsuiker
100 g sjokoladeskyfies
250 ml melk
30 ml olyfolie
1 eier, geklits
5 ml vanilla ekstrak

Voorverhit die oond tot 180°C.
Spuit 2 klein muffin pannetjies (24) of 1 standaard muffin pannetjie (12) met nie-kleefbare kossproei.
Voeg die meel, bakpoeier, koeksoda, kakao, suiker en ‘n derde van die sjokoladeskyfies in ‘n meng bak.
Giet al die vloeibare bestanddele in ‘n maatbeker.
Meng die droë- en natbestanddele saam en skep in die voorbereide muffinhouers.
Sprinkel die oorblywende sjokoladeskyfies bo-oor en bak vir 10 – 15 minute vir die klein pannetjies en 20 minute vir die groter pannetjie of tot die muffins donker, gerys en veerkragtig en gaar is.

Resep en foto: Johan Rossouw