CHAKALAKA BOEREWORS

Resep: Elize de Kock
Foto: Hennie Prinsloo

400 g beesvleis
400 g varkvleis
200 g rugvet of varkvet
Bestanddele per 1000 g (1 kg) vleis
18 g sout (3 teelepels)
2 g peper (1 teelepel)
40 g uie, gekap (½ ui)
0,5 g neutmuskaat (¼ teelepel)
0,3 g naeltjies, gemaal (⅛ teelepel)
15 g kerriepoeier (1 eetlepel)
16 g tamatiesous (1 eetlepel)
0,5 g gemmer (¼ teelepel)
0,5 g rooipeper (¼ teelepel)
8 g knoffel, fyngekap (2 huisies)
5 ml Worcestersous (1 teelepel)
30 ml asyn
Optioneel:
40 g soettrissie, gekap
Sny die vleis in klein blokkies, meng met die speserye en maal deur ‘n 5 mm siffie.
Stop in 32 mm varkomhulsels om wors te vorm.
Verpak en vries vir latere gebruik.
Nota: Hennie Prinsloo
Ek het die resep net so gebruik.
Die soetrissie het ek dieselfde gewig gebruik en bygesit as wat die uie se gewig is.
Ek het die uie, knoffel en soetrissie met die hand fyn gesny, maar volgende keer sal ek dit saam met die blokkies vleis maal.
Die sout gaan ek 19 g per 1 kg vleis maak volgende keer en dan weer probeer en sien hoe dit uitkom.
Ek het ‘n stukkie in die lugbraaier gebraai en dit is fantasties lekker.