BRUISMEEL KONDENSMELKBESKUIT

1.5 kg bruismeel
250 g margarien
200 g suiker (250 ml)
1 blik kondensmelk (397 g)
10 ml sout
1.5 – 2 kondensmelkblikke water (of meer)
15 ml anys

Sif droë bestanddele goed saam. Voeg anys by en meng.
Vryf margarien met vingers in tot die meel soos broodkrummels lyk.
Maak ‘n holte in die middel van die mengsel en meng die kondensmelk en water en meng by die meel. Meng goed om stywe deeg te vorm.
Maak bolletjies en plaas in gesmeerde pan.
Bak in oond van 180°C vir 1 uur. Haal uit en laat afkoel, verdeel en droog in louwarm oond.

Resep: Carol Elliott Claassen
Foto’s: Rita van Zyl
Foto 3: Johan Westenberg – gebak sonder die anys