BRUINSOUSPOEIER BÊREMENGSEL

“Hierdie poeier kan jy gebruik om ‘n lekker bruinsous vir jou mash, rys of pap te maak of om bredies of kerrie te verdik. Geniet!”

Vir die poeier:
2 standaardgrootte pakkies ‘hearty beef stew’ poeier (koop dit by enige supermark)
2 standaardgrootte pakkies ‘savoury instant gravy’ (koop dit by enige supermark)
1 (400 g) pakkie ‘Knorrox soup oxtail flavour’ soppoeier
Vir die aanmaak van die sous:
1 groterige ui
sous van die wors of vleis se uitgebraaide vet
500 ml kookwater
3 – 4 opgehoopte eetlepels souspoeier
louwater
10 ml Worcestershire sous
10 ml tamatiesous of tamatiepasta
sout en peper, na smaak

Vir die poeier:
Meng al die poeier bestanddele saam. Stoor die mengsel in ‘n lugdigte houer.

Vir die aanmaak van die sous:
Braai die ui in die wors of vleis se vet tot bruin. Voeg die 500 ml kookwater by die uie. Skep die souspoeier in ‘n koppie en maak dit aan met die louwater. Voeg die aangemaakte poeiermengsel by die gebraaide uie. Voeg die worcestershiresous en tamatiesous of tamatiepasta by. Geur met sout en peper. Kook op stadige hitte tot sous verdik.

Resep en foto: Heleen Brümmer Nel