BROSGEBRAAIDE BABA MURGPAMPOENTJIES

As kind (voor my ma oorlede is – ek praat van 55 jaar terug) het ons baie by my tannie-hulle in Welkom gekuier. Sy is met ‘n Italianer getroud. Sy het altyd dié dis gaargemaak saam met vis. Ek het dit gister vir die eerste keer gemaak. Tannie Joey is al in haar 80’s maar haar geheue is nog vlymskerp. Sy het sommer so oor die telefoon verduidelik.

groterige baba murgpampoentjies (baby marrows, zucchinis)
eiers, geklits
meel
sout en peper
neutmuskaat, opsioneel
olie vir vlak braai

Skil die pampoentjies dun af en sny skywe in die lengte.
Meng die sout, peper, neutmuskaat en die meel saam.
Doop die pampoentjie skywe eers in meel.
Dan in geklitse eier en dan weer in die meel.
Braai dit in vlak olie aan albei kante.
Sit op kombuispapier om te dreineer. Bedien warm.

Nota:
Dit is baie lekker saam met enige vleis.
Ek dit saam met Meksikaanse gemarineerde hoender gemaak.

Sonica Viljoen
My ma doen dit met eiervrug skywe ook, net so lekker!

Resep en foto – Lorraine Weitz Brand