BOTTERVERSIERSEL MET MASCARPONE

Ek het gou vanmiddag (in die drukkende hitte van Limpopo) my kookwater olie koek gebak en botterversiersel gemaak met mascarpone om die soet te breek. Dít smaak nou lekker! Nou het ons koek vir môre se kuiermense.

250 g sagte botter
3 koppies versiersuiker, gesif
¾ koppie kakao gesif
½ houertjie Mascarpone

Sit botter in mengbak en sif versiersuiker en kakao in. Meng goed met “spatula” tot alles mooi glad.
Sit die Mascarpone by en roer tot alles goed ingemeng is.
Smeer oor koek en sit in yskas tot dit bedien word.

Resep en foto: Elsabie Templeton