BOTTERSKORSIE (BUTTERNUT) LASAGNE
- 250 g lasagne velle
- 1 medium botterskorsie
- 1 medium ui
- knoffel, opsioneel
- 1 liter melk
- 100 g botter/margarien
- 125 ml koekmeel
- sout, peper en paprika
- gerasperde kaas
Skil en verwyder pitte van die botterskorsie, sny in blokkies. Maak ui skoon en sny in blokkies. Stoom ui en botterskorsie gaar in pot met sout en swartpeper, steamer of mikrogolfoond.
Smelt botter/margarien in mikrogolfbak, roer meel by en geur met sout en swartpeper.
Meng al die melk by. Klits met draadklopper. Mikrogolf vir 2 – 3 min op ‘n slag, haal uit en klits met draadklopper. Herhaal proses totdat witsous dik en romerig is.
Smeer/spuit ‘n vierkantige/reghoekige oondbak. Pak ‘n laag lasagne velle, dan botterskorsies, ui en knoffel en dan witsous. Herhaal lae tot bestanddele klaar is.
Strooi genoeg gerasperde kaas bo-oor en paprika.
Bak in voorverhitte oond vir 30 min by 180 ºC.
Resep: Gillian Kruger Vermeulen
Foto: Ina Coetzer – Baie lekker! Ek het bietjie Veggie spice en Italian herbs bygegooi.
