BOTTERKOEK MET KLAPPERVULSEL

“Ek verkies die broodpannetjies hier; dit sny makliker. Hierdie resep maak twee koeke. As ek dit vir my gesin bak, maak ek die helfte aan.”

150 ml melk
120 g botter of kunsbotter
200 g koekmeel
2 ml sout
15 ml bakpoeier
4 eiers
250 ml suiker
5 ml vanilla geursel
Klappervulsel:
8 eetlepels kunsbotter (100 ml)
6 eetlepels melk
1 koppie suiker
1 teelepel vanilla geursel
1½ koppies klapper

Verhit melk en botter tot kookpunt om botter te smelt. Koel af.
Sif koekmeel, bakpoeier en sout saam. Klits eiers liggies en voeg suiker geleidelik by die eiers.
Voeg vanilla geursel by. Roer droë bestanddele in eiermengsel.
Voeg lou melkmengsel by en meng.
Skep beslag in twee ronde panne (220 mm deursnee), of twee broodpannetjies (220 mm lank).
Bak 25 minute by 180 °C.

Klappervulsel:
Kook kunsbotter, melk en suiker. Verwyder van stoof en voeg vanilla geursel en klapper by.
Terwyl vulsel nog warm is, smeer oor die koek.

Resep en foto: Wilma Scott