BOTTERHOENDER MET RISSIE

60 ml botter of kunsbotter
1 groot ui, opgekerf
1 kg hoenderborsies, in blokkies gesny
2 knoffelhuisies, fyngedruk
45 ml garam masala
2 groen brandrissies, opgesny
2 ml fyn komyn
2 ml fyn koljander
500 ml karringmelk
1 blik (400 g) gekapte tamaties
20 ml suiker
250 ml room
15 ml koekmeel
vars koljanderblare, gekap

Verhit die botter en seël die hoenderblokkies (nie tot gaar nie).
Skep dit uit en hou eenkant.
Soteer die ui in dieselfde pan tot sag.
Voeg die knoffel en rissies by en soteer een minuut lank.
Voeg die garam masala, komyn en koljander by.
Soreer weer 1 – 2 minute lank.
Giet die karringmelk, tamaties en suiker by.
Verhit tot kookpunt en laat prut vir sowat 5 – 10 minute lank.
Ek versap die sous met ‘n stokmenger, want die karringmelk laat lyk die souse of dit skif.
Plaas die hoender terug in die sous en laat vyf minute lank prut.
Meng die koekmeel met die room en voeg by die sous, kook net vinnig deur.
Voeg die vars koljanderblare by.
Sodra die sous weer prut, haal die pan af van die hitte.
Bedien saam met rys.

Resep en foto: Amanda Austen