BOONTJIES- EN STAMPMIELIESOP

Resep en foto: Lorraine Weitz Brand
My man was lus vir boontjie- en stampmieliesop. Dit is bibberend koud by ons vandag. Hier is my resep. Aangepas van my gewone boontjiesop.

300 g suikerboontjies
200 g stampmielies
3 liter kookwater
250 g beesskenkelvleis met bene
250 g skaapskenkels of stowevleis
1 groot ui
1 blokkie biefekstrak
1 blikkie tamatiepasta
25 ml bruinsouspoeier (Bisto)
10 ml Worcestersous
sout en peper
Week die boontjies en stampmielies oornag.
Gebruik 2 liter water en kook tot sag.
Voeg die res van die water by asook die vleis en biefekstrak.
Kook totdat die vleis, bone en mielies baie sag is.
Voor opdiening meng die tamatiepasta, bruinsouspoeier, Worcestersous, sout en peper in ‘n bekertjie en voeg by sopmengsel.
Kook vir nog 15 minute.