BOELIEBIEF-BOBOTIE

1 medium ui, gekap
1 knoffelhuisie, fyn gesny
1 groen soetrissie, ontkern en in klein blokkies gesny
30 ml olie
15 ml kerriepoeier
5 ml borrie
50 ml vrugteblatjang
30 ml druiweasyn
3 piesangs, in klein blokkies gesny
2 blikke boeliebief, fyngedruk
Bolaag:
125 ml melk
2 eiers, geklits
knippie borrie
knippie kerriepoeier

Voorverhit die oond tot 180°C en bespuit ‘n oondvaste bak van 23 cm met kleefwerende kossproei.
Roerbraai die ui, knoffel en soetrissie in verhitte olie tot sag en glasig.
Voeg die kerrie en borrie by, braai nog ‘n minuut lank.
Voeg dan die res van die bestandele by, buiten die vir die bo-laag.
Meng deur en skep in die oondvaste bak. Maak die bokant gelyk.
Klits die bestanddele vir die bolaag saam en giet oor die vleismengsel.
Bak ongeveer 25 min lank tot die bolaag gestol en goudbruin is.

Resep en foto : Amanda Austen