BILTONG- EN KAAS QUICHE
Resep: Henriette Janse van Vuuren
Foto en aanpassing vir muffins: Adriaan De Ridder
- 1 x 400 g vel broskorsdeeg
- 100 g sterk cheddarkaas, grofgerasper
- 160 g gesnyde beesbiltong
- 2 eiers
- 250 ml room
- varsgemaalde swartpeper na smaak
- Verhit oond tot 180 °C.
- Rol broskorsdeeg op ‘n meelbestrooide oppervlak dunner uit.
- Voer ‘n gesmeerde tertbord van sowat 18 cm uit met deeg.
- Sprinkel kaas onderin tertbak en rangskik biltong bo op.
- Klits eiers en room saam.
- Giet die eiermengsel oor die kaas en biltong en geur met peper.
- Bak vir sowat 35 minute in warm oond.
- Die eiermengsel moet gestol wees.
- Nota:
- Jy kan die quiche warm of teen kamertemperatuur voorsit.
- Klam biltong werk die beste.
- Aanpassing vir muffins: Adriaan De Ridder
- Ek het toe die Biltong en Kaas Quiche gemaak vanoggend en dit het briljant uitgekom dink ek. Ek het net bietjie ekstra pietersielie ingegooi vir kleur. So individueel in muffin panne bak sit dan vir 24 minute.
- Met een vel broskors het ek 26 uitgekry. Ek’t 500 ml room en 4 eiers gebruik met bietjie pietersielie en sout en peper. En dan het ek 300 g biltong en omtrent net 100 g kaas gebruik. En soos ek sê, bak hulle net vir 24 min teen 180ºC
Category:
