BILTONG BROODJIES
Resep en foto: Riana Dippenaar
Ek is duidelik nie ‘n voedsel stylis nie. Ek het hierdie biltong broodjies gemaak vir ‘n padkos bederf.
- wit brood (dikker snye, en die brood moet so 2 – 3 dae oud wees)
- Cream Crackers
- Melrose smeer (ek koop altyd as dit op “special” is)
- Bovril
- fyn biltong
- margarien – Stork Country Spread (ek los dit die vorige aand buite dat dit lekker sag is)
- Sny die brood korsies af.
- Sny elke snytjie in vier eweredige stukkies (so na as moontlik; nie die einde van die wêreld as dit nie perfek is nie).
- Sny elke Cream Cracker ook in 4.
- Smeer een vierkantjie met Bovril en een met smeerkaas. Sit op mekaar met ‘n stukkie van die cream crackers tussenin (moet so ⅔ van die broodjie se grootte wees).
- Smeer dan al ses kante van die klein “toebroodjie” met margarien en rol in die fyn biltong.
- Verpak in plastiek houer en geniet vir padkos.
Nota:
Jy kan net Bovril of net smeerkaas gebruik as jy wil.
My ma gebruik soms grondboontjie botter en Bovril saam en dit is vreemd lekker.
