BESONDERSE TUNA EN TAMATIE PASTAGEREG

1 groot ui, gekap
1 knoffelhuisie, gekneus of 5 ml gekapte knoffel
15 ml kookolie
1 x 410 g blik gekapte tamaties met knoffel, oregano en basillekruid
½ pakkie sampioensoppoeier (30 g)
125 ml melk
1 x 185 g blikkie tuna gedreineer, ek gebruik die een in water
300 g skulpienoedels, gaar gemaak soos op die verpakking
1 koppie kaas
sout en peper na smaak
Opsioneel: bietjie suiker

Soteer die ui en knoffel in ‘n swaarboompan.
Voeg tamaties by en geur met sout en peper. Ek voeg so bietjie suiker by.
Maak soppoeier aan met melk en voeg saam met tuna by die tamatiemengsel. Prut tot dik.
Kook skulpienoedels, dreineer en meng met die tamatie- en sopmengsel.
Skep die mengsel in ‘n oondbak.
Rasper die kaas bo-oor en sit in ‘n warm oond vir ‘n paar minute tot die kaas gesmelt het.

Nota:
As dit tuna in olie is kan jy die olie gebruik om die ui en knoffel te braai.
Ek verdubbel die resep vir my huismense.

Resep: Cecilia de Beer
Foto: Natasha Prinsloo