BEET-, PEER- EN BLOUKAASSLAAI

1 pak roketblare
klein beetjies (ek het ‘n bottel ingemaakte klein beetjies gekoop)
2 pere
steranys
2 naeltjies
1 sagte bloukaas
125 ml okkerneute
1 pakkie mikroslaai
sout en swartpeper
balsamiese asyn reduksie

Kook die pere in rooiwyn met steranys en 2 naeltjies tot dit sag en rooi is, maar nie pap nie.
Rooster die neute vir ‘n paar minute in ‘n droë pan.
Plaas die roketblare in ‘n mooi slaaibak.
Sny die pere in skywe.
Rangskik die pere, beet en neute op die roketblare.
Breek die bloukaas oor.
Strooi sout en peper na smaak oor.
Plaas laaste die mikroslaai op en besprinkel met die balsamiese asyn reduksie.

Resep en foto: Deonette Ackerman