BEET EN PERSKE SLAAI

Hierdie is ‘n heerlike slaai en lyk pragtig op die tafel vir kleur.

3 – 4 bossies beet (ongeveer 12 bete, gekook en geskil)
1 x 410 g-blik perskeskywe, gedreineer
1 ui, fyngekap
125 ml water
125 ml asyn
ongeveer 200 ml suiker
sout en peper na smaak
4 heel peperkorrels
4 lourierblare
6 wonderpeperkorrels
4 – 6 naeltjies
2 ml fyn gemmer
2 ml mosterdpoeier

Sny die beet en perskeskywe in blokkies en meng met die ui.
Meng die oorblywende bestanddele en voeg by.
Laat oornag of 3 – 4 dae in die yskas staan, indien moontlik!

Nota:
Ek het vars geelperskes in skyfies gesny en bedruip met olyfolie en in die oond gebak tot sag en dit in die slaai gebruik. Garneer met roket.

Resep: Hanna Botha
Foto: Rina Kleinhans