BEESVLEISKERRIE

Ek het die volgende resep getoets en dit is heerlik! Jy kan ook lamskenkels gebruik.

2 kg beesstowevleis, in blokkies gesny, ek het beesrib gebruik
2 groot uie, gekap
3 knoffeltoontjies, gekap
½ groen soetrissie, gekap
30 ml olie
4 wortels, in blokkies gesny
15 ml fyn sout
5 ml swartpeper
12 ml kerriepoeier
5 ml borrie
12 ml suiker
50 ml perskeblatjang
30 ml bruin druiweasyn
800 g aartappels, geskil en in blokkies gesny
water, om vleis mee te bedek

Braai die vleis in die olie tot bruin en skep dit uit.
Braai die uie, knoffel en groen soetrissie in dieselfde pot tot sag en deurskynend.
Voeg die speserye by en braai vir ‘n minuut of twee.
Voeg die blatjang, vleis, wortels, asyn, aartappels en water by en laat kook vir 1½ uur tot die vleis sag is.
Kook tot die sous dik en geurig is. Sit voor op rys.

Nota:
Ek het sultana blatjang by dit bedien, jy kan ook kerriegroenboontjies bedien.

Resep getoets en foto: Louisa Hollenbach