BEESVLEIS KAMPBREDIE

45 ml olie
1 kg beesvleisblokkies
200 g spek, opgesny
½ blikkie heel tamaties (410g), opgesny
125 ml droë rooiwyn
200 ml tamatiesous
5 ml paprika
15 ml droë gemengde kruie
20 ml suiker
Worcestersous na smaak
1 blokkie biefstok, opgelos in 250 ml kookwater
sout en peper
2 aartappels, in blokkies gesny en opsioneel

Verhit die olie en braai die beesvleisblokkies bietjie vir bietjie tot bruin. Skep uit en hou eenkant.
Braai die uie en spek in die res van die olie tot gaar.
Voeg die tamaties, vleisblokkies, rooiwyn en tamatiesous by en geur met paprika, gemengde kruie, suiker, Worcestersous,sout en peper na smaak. Meng deur, voeg die biefstok by en laat prut vleis tot sag.
Roer af en toe.
Voeg die aartappelblokkies by so 30 min voor die vleis sag is. (opsioneel).
Bedien saam met rys.

Resep en foto: Amanda Austen