BEESTONG MET TUISGEMAAKTE MOSTERDSOUS

1 beestong
1 ui, opgesny
2 wortels, grof gekap
2 knoffelhuisies
3 lourierblare
2 wonderpeperkorrels
3 naeltjies
growwe sout en gemaalde swart peper
water

Plaas al die bestanddele vir die tong in ‘n pot en voeg genoeg water by om die tong te bedek.
Bring tot kookpunt en veminder hitte tot ‘n matige prut vir 3 uur.
Laat die tong effens afkoel in die pot.
Verwyder die vel van die tong en sny in skywe.
Bedien met ‘n tuisgemaakte mosterdsous.

Mosterdsous:
240 ml suiker
3 eiers
100 ml wit asyn
50-100 ml mosterdpoeier
5 ml cayenne peper
sout
5 ml maizena

Klits die bestanddele vir die sous saam tot ‘n gladde tekstuur.
Verhit oor matige hitte, maar moet nie dat dit kook nie.
Roer gereeld tot vereiste digtheid bereik is.
Laat afkoel, bottel en hou in yskas.

Resep en foto: Johan Rossouw