BEESSTERT MET GROENTE

Resep en foto: Alta Gunter Van Dyk

4 beessterte, afgewas in asyn
Meng die volgend saam en vryf in die vleis in:
1 eetlepel gebreekte koljander
1 eetlepel braai speserye
1 eetlepel steak en tjops speserye
1 eetlepel Aromat
Ekstra:
2 eetlepels Worchestersous speserye of sout en pepper
2 koppies rooiwyn
tiemie, roosmaryn en suurlemoen verbena takkies in ‘n bossie
½ koppie water
olie vir braai
klein aartappeltjies, geskil
klein worteltjies
klein uitjies, skoon gemaak
mengsel van koekmeel en Bisto, om te verdik
Nadat die speserye deur die vleis gemeng is, braai die vleis in olie tot mooi bruin en skep in oondpan. Braai almal tot alles gebraai is.
Voeg die rooiwyn en ook jou bossie vars kruie, vas gemaak by asook die water, maak toe met bakpapier en dan foelie, en sit in die oond vir ± 3 ure.
Voeg die klein aartappeltjies, worteltjies en klein uitjies, wat bietjie vooraf gekook is maar nie pap, by die beesstert en sit terug in die oond vir nog ± 1 uur.
Hou dop vir die sagtheid van groente en vleis, wanneer alles gaar en sag is, verdik sous met ‘n bietjie koekmeel en Bisto aangemaak met bietjie water.
Sit terug in die oond tot sous verdik het en alles lekker sag is.
Bedien met rys, gevulde skorsies en ingelegde kwepers.