BEESSTERT- EN VOLSTRUISNEKPOT

450 g volstruisnek
550 g beesstert
1 ui, grof opgesny
200 ml bier
150 ml rooi nierboontjie sous uit die blik
100 ml Port
30 ml soetrissiesous
1 groot knoffelhuisie, opgesny
10 ml tamatiepasta
8 wonderpeperkorrels (pimento`s)
3 naeltjies
1 lourierblaar
5 ml rissievlokkies
sout en gemaalde swart peper
20 klein worteltjies, skuins gehalveer
6 klein aartappeltjies, in kwarte gesny

Bedek die bodem van ‘n pot met die gekapte uie.
Pak die beesstert- en volstruisneksnitte bo-op.
Maak die mengsel van bier, boontjiesous, port, soetrissiesous en tamatiepuree aan en giet bo-oor die vleissnitte.
Voeg die peperkorrels, naeltjies, rissievlokkies en gekapte knoffel by saam met die lourierblaar.
Sit in ‘n voorverhitte oond teen 180°C en laat prut vir 2 uur.
Voeg die gesnyde wortels by, bedek en laat prut ‘n verdere halfuur voor die aartappelkwarte bygevoeg word.
Laat prut vir nog ‘n uur teen 160°C.

Nota:
Bedien op rys en besprinkle met gremolata, opsioneel.
Gremolata is gekapte pietersielie, fyn gerasperde suurlemoenskil en fyngekapte knoffel saam gemeng.

Resep en foto: Johan Rossouw