BAR ONE POEDING
Resep en foto: Amanda Austen
- Beslag:
- 2 Bar One sjokolades, in klein blokkies gesny
- 250 ml bruismeel
- 250 ml suiker
- knippie sout
- 60 ml kakao
- 5 ml vanilla geursel
- 250 ml warm water
- 1 eier
- Sous:
- 2 Bar One sjokolades
- 250 ml vars room
- Meng die droë bestanddele saam en roer die Bar One stukkies by.
- Meng die eier, water en vanilla saam.
- Voeg die eiermengsel by die droë bestanddele en meng goed deur.
- Spuit ‘n mikrogolf bak van ongeveer 15 cm x 20 cm, met kleefwerende kossproei.
- Skep die mengsel in die bak en mikrogolf die beslag vir 8 – 9 min op hoog.
- Toets met ‘n toetspen of die poeding deurgaar is.
- Meng die sousbestanddele in ‘n potjie en verhit dit op die stoof tot gesmelt.
- Wanneer die poeding uit die mikrogolf kom, giet die sous oor die poeding.
- Bedien met room of roomys.
- Nota: Indien jy die poeding in die oond bak, 25 – 30 minute teen 180ºC.
