APPELTERT OF 24 TERTJIES

Deeg:
220 ml margarien
500 ml suiker
6 eiers
100 ml melk
500 ml koekmeel
10 ml bakpoeier
2 ml sout
1 groot blik appels
Sous:
200 ml Cremora melkpoeier
400 ml kookwater
250 ml suiker
10 ml karamelgeursel

Klits magarien, suiker, eiers en melk goed saam en voeg die gesifte droë bestanddele by en klits tot goed gemeng.
Skep beslag in voorbereide muffinpannetjies of tertbak.
Plaas appelstukkies op elke tertbeslag of bo-op die deeg in die tertbak.
Bak in verhitte oond van 180º C vir 20 min vir klein tertjies of 45 min vir groot tert.
Terwyl tert bak, maak sous aan.
Kook alles saam tot melkpoeier goed opgelos is en gooi warm oor tertjies of tert as dit uitkom uit die oond uit.
Laat bietjie afkoel en haal uit pannetjies.

Resep en foto: Riana le Roux – Hier is my appeltert resep, ek bak dit nou al 12 jaar en was ‘n goeie verkoper in die tuisbedryf wat ek gehad het.