APPELTERT DE LUXE

100 ml (100 g) margarien
250 ml (210 g) strooisuiker
2 eiers
190 ml (100 g) koekmeel
60 ml (35 g) Maizena
5 ml bakpoeier
knippie sout
ongeveer 3 ½ klein appeltjies, enige soort, geskil, ontpit en in skywe gesny
50 ml (50 g) botter
50 ml (40 g) bruinsuiker

Room die margarien en strooisuiker saam.
Klits die eiers in, een op ‘n slag.
Sif die droë bestanddele saam en vou in mengsel in.
Voeg ‘n bietjie melk by, indien nodig om ‘n stywe beslag te maak.
Skep die mengsel in ‘n gesmeerde tertpan van 28 x 21 cm.
Plaas die appelskywe egalig bo-op die beslag, skep klontjies botter oor, en sprinkel suiker oor.
Bak teen 180ºC vir 50 – 60 minute.
Bedien met room of maak die volgende sous om oor te skep sodra die tert uit die oond kom.

Sous:
¼ koppie botter
½ koppie suiker
½ teelepel vanilla geursel
1 koppie melk

Kook alles saam en skep oor die warm tert sodra dit uit die oond kom.
Vir variasie kan vars appels met tertappels of ingelegde appelkose vervang word.

Resep getoets en foto: Louisa Hollenbach