APPELKOOS- EN GEELPERSKE BLATJANG

Resep en foto: Sean O’Brien

1.5 kg appelkose
500 g geel perskes
2 groot uie
1 soet groenrissie
1 rooi soetrissie
4 knoffelhuisies
1 stukkie vars gemmer
100 g rooi rissies
100 g groen rissies
100 ml witasyn
450 g suiker
Ontpit appelkose en geelperskes en sny op in blokkes (Let wel: ONGESKIL).
Plaas dit in ‘n kookpot, en voeg die suiker en asyn by, laat eers staan en trek.
Kap uie, soetrissies, knoffelhuisies en rissies fyn, en rasper gemmer by.
Braai liggies in bietjie olie, net tot die uie deurskynend is.
Bring die vrugte en suiker/asyn mengsel stadig tot kookpunt.
Verlaag die hitte en voeg die uie, soetrissies, rissies en gemmermengsel by.
Laat dit stadig prut vir ongeveer ‘n uur, roer gereeld deur en druk vrugte fyn soos dit sagter word.
Sodra die mengsel goed geprut het en al die vrugte sag gekook en fyn is, behoort die blatjang lekker dik te wees.
Skep die warm blatjang in warm, gesteriliseerde bottels, seël, en laat afkoel.