APPEL BROODKRUMMEL POEDING
Ek het Sondag dié heerlike appelpoeding gemaak. Dis ‘n So Maak Mens resep van 1977.
- 1 ½ koppies sagte broodkrummels (ek het witbrood se korsies afgesny en dit net in baie klein blokkies gesny)
- 250 ml melk
- 2 eetlepels sagte botter/margarien
- 2 eiers, geskei
- 125 ml suiker
- 250 ml gekapte neute en/of sultanas, rosyne, sitroenskil (ek het 125 ml gekapte neute en 125 ml rosyne gebruik)
- 1 ½ koppies geskilde, fyngekapte appel
- 1 teelepel vanilla
- 1 ½ teelepels gerasperde lemoenskil
- sout
- knippie elk kaneel, neut, naeltjies
Verhit melk en voeg brood en botter/margarien by.
Roer goed en laat effens afkoel.
Voeg geklitste eiergele, suiker, neute, vanilla, lemoenskil, sout en speserye by en roer goed.
Meng gekapte appel by.
Klits eierwitte styf en vou liggies in.
Skep in gesmeerde bak (20 x 20 cm) en bak 30 – 40 min by 180 °C.
Bedien met vla en geniet.
Resep en fotos: Huibré Müller
Category:
