ANYSBESKUIT

Dit is mos beskuit!!

2,5 kg koekmeel
250 g botter
1 blik kondensmelk
3 eiers
3 pakkies kitssuurdeeg
2 ¼ koppies suiker
1 teelepel sout
2 koppies warm water
anys na smaak, ongeveer 2 eetlepels

Kook water, suiker, botter en anys net tot suiker en botter gesmelt is. Laat afkoel.
Klits eiers en kondensmelk saam.
Meng meel, suurdeeg en sout saam.
Gooi nou alle nat bestanddele by meelmengsel en knie met nog ongeveer 2-4 koppies louwarm water tot ‘n elastiese deeg.
Maak warm toe en sit neer om te rys.
Knie af en vorm bolletjies, plaas in gesmeerde panne.
Maak weer toe en laat weer vol rys.
Bak by 180 ºC vir ‘n driekwart uur of tot gaar.

Nota:
My oond bietjie vol truuks so ek bak 20 min by 180 ºC en dan 40 min by 170ºC.

Resep en foto: Magda Van Zyl