ANGELKOEK (TUISNYWERHEID STYL)

Resep geplaas deur Andre Heunis soos gevind op facebook
Resep verskaf deur Rala Van Jaarsveld Strauss
(Lig, fyn, hou vla perfek vas)

• Deel 1: Warm melk sponskoek(3 lae)
• 4 groot eiers, kamer temperatuur
• 1½ koppies (300 g) suiker
• 2 koppies (250 g) koekmeel
• 2 teelepels bakpoeier
• ¼ teelepel sout
• 1 koppie (250 ml) melk
• 2 eetlepels botter
• 1 teelepel vanilla
• Verhit oond tot 180 °C.
• Voer 2 groot ronde panne of 1 groot reghoekige pan uit.
• Klits eiers en suiker 8–10 minute tot baie lig, dik en bleek.
• Sif meel, bakpoeier en sout saam.
• Vou droë bestanddele liggies in eiermengsel.
• Verhit melk en botter saam tot net warm (botter gesmelt).
• Voeg warm melk en vanilla in ’n dun straal by terwyl jy liggies vou.
• Skep die deeg in die panne en bak 25 – 30 minute tot gaar.
• Laat heeltemal afkoel en sny in 3 lae.

• Deel 2: Dik vla vir vulsel
• 2 koppies melk
• 2 eetlepels vlapoeier
• 2 eetlepels mielieblom
• 3 eetlepels suiker
• 1 teelepel vanilla geursel
• Meng die vlapoeier, mielieblom en suiker met bietjie koue melk.
• Verhit res van melk, voeg mengsel by.
• Kook tot baie dik oor lae hitte.
• Roer vanilla by, bedek met kleefplastiek op die vla om vel te voorkom.
• Laat heeltemal afkoel.

• Deel 3: Boonste “angel” laag
• 1 koppie koue dik vla
• 1 blikkie (385 g) kondensmelk
• sap van 1 suurlemoen, na smaak
• 1 pakkie Orley Whip (250 ml)
• ½ koppie yskoue melk
• Klits Orley Whip en melk tot styf.
• Meng kondensmelk en suurlemoensap saam.
• VOU koue vla by die kondensmelkmengsel in.
• VOU Orley Whip liggies in by die mengsel tot glad.

• Deel 4: Samestelling
• Sponslaag
• Dik vla
• Sponslaag
• Dik vla
• Sponslaag
• Angel-bolaag bo-oor
• Maak glad met spatel
• Plaas in die yskas vir minstens 6 uur (verkieslik oornag).