ANGELA SE MIKROGOLF FUDGE

My probeer slag met ‘n resep wat ek op die blad gekry het. Dit het perfek uit gekom en dis hemels!
Defnitief ‘n resep wat ek dink nie kan flop nie!

1 blik kondensmelk
500 g suiker
30 ml gouestroop (glucose werk ook)
5 ml vanieljegeursel
125 g botter

Plaas kondensmelk, botter, suiker en gouestroop/glucose in ‘n groot mikrogolf vaste bak en mikrogolf teen 100% krag vir 10 min.
Roer 3 keer gedurende die tyd.
Klits vanieljegeursel by en klits tot dit begin dik raak.
Plaas in gesmeerde bak en laat afkoel.
Sny in blokkies en los in bak tot heeltemaal koud is.
Baie lekker en romerig!

Resep: Angela De Roubaix
Foto: Michelle Ludick