ANEEN SE SOUTTERTJIES
“Die resep is baie lekker vir klein tertjies. Sit ook nie vas in pan nie. Dis ‘n korslose souttert.”
- 1 blik viennas, fyngesnipper
- 1 blik soutvleis, gepluis
- 450 ml melk
- 500 ml kaas, gerasper
- 125 ml koekmeel
- 3 eiers, geklits
- 1 ui, gekap
- 5 ml sout
- 5 ml mosterdpoeier
- 5 ml gedroogde pietersielie
Meng alles saam, skep in voorbereide bak of muffin panne en bak by 180 °C tot gestol en ligbruin.
Kan as groot tert of as klein tertjies gebak word.
Nota: Amanda Scholtz Mostert:
Ek het die resep dubbeld aangemaak, maar ‘n enkel hoeveelheid sal ook baie wees. Die kinders het van dit as middagete genuttig. Dit het effens vasgesit.
Resep: Aneen Ferreira
Fotos: Amanda Scholtz Mostert
Category:
