ANDRÉ SE DIKRIB OP DIE STOOF

Ek het ‘n kasserol, met ‘n lae gasstelling op my stoof, gebruik. Andersins kan jy ‘n oond teen 120 ˚C gebruik.

± 3 kg dikrib-stukke
olie, vir braai
Aromat (peri-peri), om rib met ligte lagie te bedek
peper, om rib met ligte lagie te bedek
koekmeel
3 uie, mediumgrof gekap
Geursels:
2 eetlepels gekneusde knoffel
1 eetlepel origanum
5 naeltjies
4 lourierblare
50 ml soyasous
375 ml (½ bottel) droë rooiwyn

Braai alle kante van dikrib effe bruin in pan met bietjie olie.
Vryf aromat en peper in.
Plaas uie onder in kasserol.
Plaas dikrib (been na onder) op die uie in kasserol. Laat hulle soos soldate staan – regop; dan pas hulle almal mooi in.
Sprinkel geursels oor.
Met ‘n toe deksel, op die laagste gasvlam of plaatstelling, prut vir vyf ure en fluit-fluit.
Dien op.
Bedien saam met rys of stampmielies en gebraaide groente.

Resep en fotos: André Steenkamp