AMANDA SE KERRIESULT
- 1 beespoot, skoongemaak en gesaag
- 800 g beesskenkel
- 2 liter water (ongeveer 8 koppies)
- 9 wonderpeperkorrels (Pimento)
- 10 ml heel gebrande koljander (2 teelepels)
- 4 naeltjies
- 3 lourierblare
- 7 swartpeperkorrels
- 3 medium uie, skoongemaak en in skywe gesny
- 50 ml medium kerrie (ek het mild en spicy gebruik)
- 10 ml borrie
- 15 ml sout
- 30 ml sagte bruin suiker
- 10 ml appelkooskonfyt
- 375 ml bruin asyn
Was die skenkels en skoongemaakte poot goed af.
Verwyder enige oorblywende haartjies met ‘n skeermeslemmetjie.
Plaas dit in ‘n swaarboom kastrol en bedek dit met die 2 liter water.
Bind die wonderpeperkorrels, koljander, naeltjies, swartpeperkorrels en lourierblare toe in ‘n moeseliendoekie en sit dit saam in die kastrol.
Kook totdat die vleis heeltemal sag is. (Myne het ek vir 7 – 8 ure lank gekook). Die beentjies moet letterlik uitval. Vul die water gedurig aan.
Laat afkoel en verwyder die speserye sakkie.
Verwyder al die beentjies en sny die vleis fyn. (Skep die vet wat bo-op dryf, af). Hou die vloeistof waarin die vleis gekook het, eenkant.
Verwyder al die beentjies en sny die vleis fyn. (Skep die vet wat bo-op dryf, af). Hou die vloeistof waarin die vleis gekook het, eenkant.
Terwyl jou vleis kook, braai uie in ‘n bietjie olie tot deurskynend maar nie gebraai nie.
Voeg die kerrie, borrie, bruin suiker, sout en apppelkooskonfyt by.
Braai saam met uie vir so 5 – 7 minute.
Voeg asyn bietjie vir bietjie by.
Kook vir so 10 minute. Roer so nou en dan sodat dit nie aanbrand nie.
Voeg nou jou kerriemengsel by jou vleis. Gooi van jou vloeistof wat jy eenkant gehou het by. Dit moet jou vleismengsel bedek.
Kook saam so vir een uur.
Indien jou vleismengsel té styf is, voeg nog van jou vloeistof by.
Laat effens afkoel en sit in jou vorms om te stol.
Individuele silikoonvorms werk die beste dan is dit reeds in porsies.
Individuele silikoonvorms werk die beste dan is dit reeds in porsies.
Wanneer gestol, ontvorm en draai toe met gladwrap en vries.
Jy kan dan net porsies uithaal soos benodig, ontvries in die yskas.
Jy kan dan net porsies uithaal soos benodig, ontvries in die yskas.
Nota:
Sult hou ongeveer twee weke lank goed in die yskas, en dit kan ook met sukses gevries word. Wanneer die vleismengsel afkoel sodat die vet bo-op afgeskep kan word, sal dit stol omdat pote so baie gelatien bevat. Te stywe sult is nie lekker nie.
Sult hou ongeveer twee weke lank goed in die yskas, en dit kan ook met sukses gevries word. Wanneer die vleismengsel afkoel sodat die vet bo-op afgeskep kan word, sal dit stol omdat pote so baie gelatien bevat. Te stywe sult is nie lekker nie.
Ek het al met varkpote sult gemaak, dit was nie so heerlik soos die beespote nie!
Resep en foto: Amanda Conradie
Category:
