AMANDA SE BRAAISOUS

2 uie, gekap
30 ml kookolie
250 ml tamatiesous
180 ml ligte bruinsuiker
2 knoffelhuisies, gekap
5 ml mosterd poeier
5 ml fyn gemmer
5 ml rooipeper
sout en peper na smaak

Braai die uie tot glasig in die olie.
Voeg al die ander bestanddele by en prut stadig 40 min lank tot geurig.
Roer kort kort.
Laat afkoel en maak dit fyn met ‘n versapper.
Gebruik soos benodig by braaivleis, of as ‘n “basting” of as ‘n marinade.

Resep en foto: Amanda Austen